Hyggjast selja P4 fyrir tvo milljarða dollara

Novator, fyrirtæki Björgólfs Thor Björgólfssonar, og gríska félagið Tollerton ætla að selja P4, fjórða stærsta farsímafyrirtæki Póllands fyrir allt að tvo milljarða dollara, samkvæmt heimildum Reuters-fréttastofunnar. Fyrirtæki Björgólfs Thor á helmingshlut í P4.

Heimildamenn Reuters segja að salan gæti átt sér stað á fyrsta eða öðrum ársfjórðungi næsta árs. Eigendur P4 hafi frumkvæði að sölunni og muni velja sér ráðgjafa fljótlega. Þeir hafi þegar sent fjárfestingabönkum erindi vegna hennar.

P4 er með 22% markaðshlutdeild á farsímamarkaði í Póllandi og er með um þrettán milljónir viðskiptavina. Novator á rétt tæp 50% í fyrirtækinu. Gríski fjársýslumaðurinn Panos Germanos á 40% hlut í fyrirtækinu, en hann á Tollerton saman með bandaríska fjárfestingasjóðnum Third Point. Loks á Third Point á 10% í fyrirtækinu.  

Fram kemur í frétt Reuters að hvorki Tollerton né Novator hafi viljað tjá sig um málið þegar eftir því var leitað.

Frétt Reuters af fyrirhugaðir sölu Novator á P4

• Blogga um frétt