Bankamaðurinn Tom Hayes, sem var nýverið dæmdur í 14 ára fangelsi fyrir libor-vaxtasvindl, bauð sex breskum miðlurum karrírétt í skiptum fyrir aðstoð.

Þetta kom fram í réttarhöldum yfir mönnunum sex en þeir eru ákærðir fyrir hlutdeild í brotunum. Hayes var í ágúst dæmdur fyr­ir að hafa hand­stýrt og hagrætt Li­bor-milli­banka­vöxt­un­um með óeðli­leg­um hætti. Hayes var ákærður í átta ákæru­liðum og sak­felld­ur í þeim öll­um. Hann er tal­inn hafa hagrætt vöxt­un­um í starfi sínu sem miðlari hjá UBS og Citigroup á ár­un­um 2006 til 2010.

Í réttarhöldunum fengu kviðdómendur að sjá og heyra skilaboð sem fóru milli Hayes og mannanna árið 2006 er hann vann hjá UBS bankanum í Tókýó. Hayes bauðst til þess að borga fyrir karrírétti ef þeir myndu aðstoða hann með milljóna punda viðskipti með japönsk jen með því að hagræða libor-vöxtunum.

Í einum skilaboðum mátti heyra Darrell Read, starfsmann ICAP, bjóðast til þess að hjálpa honum. „Ég þarf að kaupa karrí fyrir strákana í vikunni,“ segir hann. 

Hayes svarar: „Ég ætti að borga það fyrir þá.“

Read segist þá ætla að skrifa það á hann. 

Í síðari skilaboðum, þar sem þeir fara yfir viðskiptin, segir Read: „50 punda karríréttur hefur sem sagt reynst ódýr?“

Hayes svaraði þá: „Já vinur. Hvað sem til þarf, rukkaðu mig.“

Seinna skrifaði Heyes til Darrels að libor-vextirnir hefðu hækkað og segist skulda þeim bjór.

Frétt BBC.

• Blogga um frétt