Hlutabréf N1 hafa fallið um 2,13 prósent í dag en í morgun birti Samkeppniseftirlitið skýrslu um eldsneytismarkaðinn. Í skýrslunni segir að neytendur hafi borgað um 4 til 4,5 milljarða of mikið fyrir eldsneyti á síðasta ári.
Frá opnun markaða nemur velta með hlutabréf N1 206 milljónum króna en bréf félagsins eru þau einu sem hafa fallið í verði í morgun.
N1 sendi frá sér yfirlýsingu í morgun og vísaði niðurstöðum skýrslunnar um samhæfingu verðlagningar alfarið á bug. „Félagið og starfsmenn þess finna þvert á móti fyrir harðvítugri samkeppni á smásölumarkaði eldsneytis, þar sem félögin öll keppa í sífellu um viðskipti einstaklinga með margvíslegum hætti, svo sem afsláttartilboðum og aukinni þjónustu,“ sagði í yfirlýsingu N1.
Frétt mbl.is: N1: „Engin samhæfð verðlagning“
Hér má finna frummatsskýrslu Samkeppniseftirlitsins.