Athafnamaðurinn Craig Wright, sem sagðist á dögunum vera maðurinn á bakvið rafræna gjaldmiðilinn Bitcoin, virðist hafa dregið til baka yfirlýsingu sína um að færa óyggjandi sönnur á sannleiksgildi afhjúpunnar sinnar.
Frétt mbl.is: Skapari Bitcoin afhjúpar sig
Wright hét því á þriðjudag að hann myndi leggja fram „ótrúleg sönnunargögn“ til staðfestingar á því að hann væri sannarlega hinn dularfulli Satoshi Nakamoto, höfundur Bitcoin, en í dag birtist afsökunarbeiðni á bloggsíðu hans þar sem segir það sér ofviða að leggja áralanga nafnleynd að baki.
Afsökunarbeiðnin felur ekki í sér viðurkenningu á því að Wright sé ekki Nakamoto en athafnamaðurinn segist ekki búa yfir hugrekki til að takast á við athyglina og efasemdirnar.
Ítarlega frétt um málið má finna hjá Guardian.