Kaupmáttur aukist um 11,6% á einu ári

Launavísitalan hækkaði um 0,3% milli mánaða og hefur hún á síðastlinum tólf mánuðum hækkað um 13,4%. Vísitalan stóð í 570,4 stigum í apríl.

Hagstofa Íslands greinir frá þessu.

Kaupmáttur launa hækkaði hins vegar um 0,1% frá fyrri mánuði og stóð vísitalan í 134,9 stigum í lok apríl. Síðustu tólf mánuði hefur kaupmáttur launa aukist um 11,6%.

Í launavísitölu aprílmánaðar gætir áhrifa samkomulags frá lokum mars 2016 milli Samtaka starfsmanna fjármálafyrirtækja og Samtaka atvinnulífsins þess efnis að launahækkun upp á 5,5%, sem taka átti gildi 1. maí síðastliðinn, var hækkuð í 6,2% og gildir frá og með ársbyrjun 2016.

Í árshækkun vísitölunnar gætir jafnframt áhrifa tveggja kjarasamningshækkana hjá hluta atvinnulífsins, svo sem aðildarfélaga Alþýðusambands Íslands við Samtök atvinnulífsins sem skrifað var undir 21. janúar síðastliðinn.

• 2 blogg um fréttina

Bloggað um fréttina

• Páll Vilhjálmsson: Kaupmáttur eykst með krónu
• Ómar Ragnarsson: "Eitthvað annað" var lykillinn.