Heildarfasteignamat á seldu atvinnuhúsnæði á höfuðborgarsvæðinu í apríl nemur 2,1 milljarði króna. Alls var 63 kaupsamningum og afsölum um atvinnuhúsnæði þinglýst í mánuðinum og þar af voru tuttugu um verslunar- og skrifstofuhúsnæði.
Þetta er töluvert minni velta og færri samningar en í marsmánuði.
Á sama tíma var 51 skjali, þ.e. kaupsamningum og afsölum, um atvinnuhúsnæði utan höfuðborgarsvæðisins þinglýst. Heildarfasteignamat seldra eigna var 1,2 milljarðar króna.
Í kaupskrá var skráður 41 kaupsamningur um atvinnuhúsnæði á höfuðborgarsvæðinu á sama tíma. Heildarupphæð var tveir milljarðar króna og heildarfasteignamat eignanna sem samningarnir fjölluðu um var 1,3 milljarðar króna. Af þessum samningum voru ellefu um verslunar- og skrifstofuhúsnæði á höfuðborgarsvæðinu.
Á sama tíma voru 32 kaupsamningar um atvinnuhúsnæði utan höfuðborgarsvæðisins skráðir í kaupskrá. Heildarupphæð þeirra var 614 milljónir króna og fasteignamat þeirra eigna sem samningarnir fjölluðu um 536 milljónir króna.
Þjóðskrá Íslands greinir frá þessu.