„Fyrir mér er að búa til bjór hin fullkomna blanda af list og vísindum. Það er mikið af vísindalegum smáatriðum sem þarf að koma saman til að búa til bjórinn,“ segir bruggmeistarinn Sturlaugur Björnsson um bruggferlið. Hann lærði iðnina í Kaliforníu og er maðurinn á bak bjóra á borð við Bríó og Úlf.
Rætt er við Sturlaug í þætti vikunnar af Fagfólkinu sem er samstarfsverkefni Samtaka iðnaðarins og mbl.is. Eftir vinnu gerir Sturlaugur mikið af því að spila á horn en hann hefur spilað mikið með Sinfóníuhljómsveit Íslands.