Seðlabanki Íslands mun standa fyrir gjaldeyrisútboði 16. júní þar sem bankinn mun bjóðast til þess að kaupa krónur í skiptum fyrir reiðufé í erlendum gjaldeyri. Þar er átt við krónur sem uppfylla skilgreiningu laga um svonefndar aflandskrónur.

Fram kemur í fréttatilkynningu að útboðið muni hefjast klukkan 10:00 16. júní og ljúka klukkan 14:00 sama dag. Útboðið sé liður í heildstæðri aðgerðaáætlun um losun fjármagnshafta í samræmi við áætlun ríkisstjórnar Íslands og Seðlabankans um losun fjármagnshafta.

Vakin er athygli á því að útboðið verði síðasta útboðið þar sem eigendum aflandskróna verði boðið að kaupa erlendan gjaldeyri áður en stjórnvöld hefja losun hafta á innlenda aðila: lífeyrissjóði, aðra lögaðila og einstaklinga.

Tengdar fréttir

Gjaldeyrishöft

Að útdeila réttlæti ekki hlutverk SÍ

• Coldrock fær ekki álit EFTA
• Keypti aflandskrónur fyrir 112,4 milljarða
• Engin útistandandi málarekstur
• Kaupa krónur fyrir evrur

» Fleiri tengdar fréttir

• Blogga um frétt