Húsleit var gerð í höfuðstöðvum skyndibitakeðjunnar McDonald's í Frakklandi í síðustu viku vegna skattamála sem eru til rannsóknar hjá yfirvöldum. Franska lögreglan staðfestir þetta í samtali við AFP.
Fulltrúar efnahagsglæpadeildarinnar gerðu húsleitina á skrifstofu fyrirtækisins í París og lögðu hald á ýmis gögn.
McDonald's er grunað um að hafa komist undan skattgreiðslum í Frakklandi með því að beina tekjum í gegnum Lúxemborg, þar sem evrópskar höfuðstöðvar fyrirtækisins eru, en fyrirtækjaskattar þar í landi eru mun lægri en í Frakklandi.
Í gær var gerð húsleit í höfuðstöðvum Google í Frakklandi vegna gruns um skattaundanskot.
Frétt mbl.is: Húsleit hjá Google