Tryggingamiðstöðin hagnaðist um 1,16 milljarða á öðrum ársfjórðungi þessa árs samanborið við 481 milljónar hagnað á síðasta ári. Heildartekjur jukust úr 3,74 milljörðum í 4,58 milljarða milli ára meðan heildargjöld hækkuðu aðeins um rúmlega 50 milljónir, eða úr 3,19 milljörðum í 3,24 milljarða.
Í tilkynningu til Kauphallarinnar kemur fram að eigin tjón hjá félaginu hafi numið 2,28 milljörðum á tímabilinu, en það er lækkun um 58 milljónir. Rekstrarkostnaður hækkaði aftur á móti um 10% eða tæplega 80 milljónir.
Sigurður Viðarsson, forstjóri félagsins, segir í tilkynningunni að afkoman sé mjög góð og betri en áætlanir hafi gert ráð fyrir.