Ráðinn forstöðumaður markaðs- og viðskiptaþróunardeildar

Einar Páll Tómasson hefur verið ráðinn forstöðumaður markaðs- og viðskiptaþróunardeildar Icelandair og tekur til starfa um næstu mánaðamót. 

Í fréttatilkynningu frá Icelandair hefur Einar Páll starfað fyrir Icelandair erlendis um árabil. Hann hóf störf hjá félaginu árið 2005 sem sölustjóri í Hollandi.  Árið 2006 tók hann við sem svæðisstjóri fyrir mið-Evrópu og árið 2008 sem svæðisstjóri Icelandair fyrir meginland Evrópu. 

Á árunum 1999 – 2005 var Einar Páll markaðsstjóri MasterCard á Íslandi og var auk þess fulltrúi í “Branding & Sponsorhsip Work Group” hjá MasterCard í Evrópu.  Einar Páll er með viðskiptafræðigráðu frá Norwegian School of Management með áherslu á alþjóðamarkaðsfræði og stjórnun.  Einar Páll er giftur og með 3 börn.

• Blogga um frétt