Starfsfólk Borgunar fær launauppbót

Stjórn Borgunar hefur ákveðið að allir starfsmenn fyrirtækisins fá greidda launauppbót sem nemur 900.000 kr á hvern starfsmann.  Vill Borgun með þessu að starfsmenn njóti þess vaxtar og viðgangs sem orðið hefur á rekstri fyrirtækisins síðustu misseri, sem er ekki síst mikilli og góðri vinnu starfsfólks að þakka. Þetta kemur fram í tilkynningu frá félaginu.

Segir þar að mikið álag hafi verið á starfsmönnum Borgunar um nokkurt skeið, enda fyrirtækið aukið verulega viðskipti sín á erlendum mörkuðum síðustu mánuði sem hefur skilað sér með margvíslegum hætti inn í rekstur fyrirtækisins. Telur stjórn Borgunar ánægjulegt að starfsfólk fyrirtækisins njóti þess með áðurnefndri launauppbót.

• 1 blogg um fréttina

Bloggað um fréttina

• Sigurður Haraldsson: Hreinræktaður!