Sala beint frá býli er starfsleyfisskyld en matvælalög kveða skýrt á um að hver sá sem dreifir matvælum skuli hafa leyfi yfirvalda til þess, annað hvort frá Matvælastofnun eða heilbrigðiseftirliti viðkomandi sveitarfélags. Þetta kemur fram í tilkynningu frá Matvælastofnun.

„Í ljósi mikillar aukningar á sölu matvæla beint frá býli hvetur Matvælastofnun alla þá bændur sem ekki hafa nú þegar gilt starfsleyfi og vilja selja beint frá býli að sækja án tafar um starfsleyfi til stofnunarinnar sé búfjárhald meginstarfsemi þeirra. Sé búfjárhald ekki meginstarfsemi þeirra þá sækja þeir um starfsleyfi til heilbrigðiseftirlits í héraði,“ segir í tilkynningunni.

Kemur þar fram að tilgangur matvælalaga sé að tryggja neytendum örugg matvæli eins og kostur er, í því skyni þarf hver sá sem dreifir matvælum að hafa gilt starfsleyfi yfirvalda. Í dreifingu matvæla felst hvers konar flutningur, framboð og afhending, þar með talið innflutningur, útflutningur og sala. Hér er einnig átt við geymslu og annað sem tengist dreifingu.

Umsóknum um starfsleyfi frá Matvælastofnun skal skilað inn rafrænt í þjónustugátt MAST á heimasíðu stofnunarinnar. 

Aðrir leiti upplýsinga hjá heilbrigðiseftirliti í sínu sveitarfélagi

Tengdar fréttir

Bændur á Íslandi

Gagnrýna „athafnaleysi ráðherra“

• Miklir möguleikar til hagræðingar
• Tekur „aldeilis ekki“ undir gagnrýnina
• „Hvers konar framkoma er þetta við bændur?“
• „Þetta var óþarfi“

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Fóstruríkið hugsar fyrir okkur