Akta hefur starfsemi

Akta sjóðir hf. hefur hafið starfsemi en um er að ræða rekstrarfélag verðbréfasjóða sem rekið er í samstarfi við Kviku banka hf. Akta annast rekstur og stýringu verðbréfa-, fjárfestinga- og fagfjárfestasjóða skv. lögum nr. 128/2011 fyrir hönd viðskiptavina sinna.

Félagið er sjálfstætt starfandi fjármálafyrirtæki sem á rætur að rekja til ársins 2013 og byggir á grunni sjóðastýringar innan forvera Kviku.

Þetta kemur fram í fréttatilkynningu. Þar segir að Akta reki fjóra fagfjárfestasjóði og einn verðbréfasjóð. Akta leggur áherslu á virka sjóðastýringu þar sem sjóðstjórar eru meðfjárfestar í þeim sjóðum sem þeir stýra. 

Örn Þorsteinsson er framkvæmdastjóri Akta, en hann hefur yfir 18 ára reynslu af eigin fjárfestingum. Stjórn Akta skipa Arna Grímsdóttir, Agla Elísabet Hendriksdóttir og Anna Rut Ágústsdóttir.

• Blogga um frétt