Hlutabréf á Wall Street féllu í verði í morgun þegar markaðirnir voru opnaðir í fyrsta skiptið eftir að Donald Trump varð forseti Bandaríkjanna. Frá því Trump bar sigur úr býtum í forsetakosningunum í nóvember hafa verið uppi spurningar um hvort skoðanir nýja forsetans á alþjóðaviðskiptum myndu hafa áhrif á hlutabréfamarkaðinn.
Sumir sérfræðingar telja að lækkunin í dag stafi af óróleika út af ræðu Trump við setningarathöfnina á föstudaginn og fregnum þess efnis að hann myndir draga Bandaríkin út úr fyrirhuguðum fríverslunarsamningi ríkja við Kyrrahaf, TPP, sem samið var um í tíð forvera hans í embætti, Baracks Obama.
Um 45 mínútum eftir opnun markaða hafði Dow Jones-vísitalan lækkað um 0,2% og stóð í 19.783,42 stigum. Bandaríska hlutabréfavísitalan S&P 500 lækkaði um 0,3% og Nasdaq vísitalan um 0,1%.
Þá féll McDonalds um 0,8% í verði og olíufélagið Halliburton um 3,5%.