Friðrik Friðriksson lögfræðingur hefur verið ráðinn til starfa hjá HB Granda. Friðrik mun sinna mannauðsmálum hjá félaginu.
Á vef HB Granda er greint frá því að ráðning hans sé til marks um aukna áherslu félagsins á málaflokkinn. Friðrik hefur undanfarin 10 ár starfað sem lögfræðingur hjá SFS og meðal annars komið að gerð kjarasamninga. Samkomulag er á milli SFS og HB Granda um vistaskiptin og mun Friðrik skipta um starfsvettvang eigi síðar en 1. júlí næstkomandi.