Hlutabréf HB Granda hafa lækkað um tæp 4% í viðskiptum morgunsins og nemur velta með bréfin rúmum 133 milljónum króna. Félagið tilkynnti í morgun að það myndi draga verulega úr eða hætta kaupum botnfisks á fiskmarkaði sökum lélegra rekstrarhorfa.
Í tilkynningu félagsins til Kauphallarinnar sagði að útlit væri fyrir tap af landvinnslu botnfisks og væri félagið að bregðast við því.
Lítil viðskipti hafa annars verið í Kauphöllinni í morgun.
Hlutabréf Fjarskipta hafa þó hækkað um 1,62% en bréf Skeljungs hafa lækkað um 1,27%.