Ragnheiður Elín í stjórn Landsvirkjunar

Ragnheiður Elín Árnadóttir, fyrrverandi alþingismaður og ráðherra, hefur tekið sæti í stjórn Landsvirkjunar, en fjármála- og efnahagsráðherra skipaði nýja stjórn fyrirtækisins á aðalfundi í dag. Auk Ragnheiðar koma þau Haraldur Flosi Tryggvason og Kristín Vala Ragnarsdóttir ný inn í stjórnina.

Samkvæmt tilkynningu frá Landsvirkjun er þetta í fyrsta skipti í sögu fyrirtækisins sem konur eru í meirihluta stjórnar, en þær eru nú þrjár á móti tveimur karlmönnum.

Aðalmenn í stjórn Landsvirkjunar eru nú:

• Jónas Þór Guðmundsson
• Ragnheiður Elín Árnadóttir
• Haraldur Flosi Tryggvason
• Álfheiður Ingadóttir
• Kristín Vala Ragnarsdóttir

Úr stjórn fóru Jón Björn Hákonarson, Helgi Jóhannesson og Þórunn Sveinbjarnardóttir en þau hafa setið í stjórn fyrirtækisins frá árinu 2014. Varamenn í stjórn Landsvirkjunar eru: Ásta Björg Pálmadóttir, Páley Borgþórsdóttir, Lárus Elíasson, Ragnar Óskarsson og Albert Svan Sigurðsson.

Á fyrsta fundi nýrrar stjórnar eftir aðalfund var Jónas Þór Guðmundsson endurkjörinn formaður stjórnar og Haraldur Flosi Tryggvason var kjörinn varaformaður.

• Blogga um frétt