Seðlabankinn hefur undanfarna viku gripið að minnsta kosti tvisvar inn í gjaldeyrismarkaðinn með kaupum á krónum þegar krónan var að veikjast. Kaupin stöðvuðu veikinguna í bæði skiptin, samkvæmt heimildum ViðskiptaMoggans. Bankinn keypti krónur fyrir 2,5 milljarða króna miðvikudaginn 21. júní og greip svo aftur inn í á þriðjudaginn.

Í skriflegu svari Seðlabanka Íslands við fyrirspurn ViðskiptaMoggans um ástæður kaupanna segir að bankinn leitist við að draga úr óæskilega miklum sveiflum á gjaldeyrismarkaði. Þeir sem til þekkja segja að þegar Seðlabankinn keypti krónur á markaði hafi verið lítill seljanleiki, sem hafði það í för með sér að krónan veiktist skarpt. Ef ekkert hefði verið að gert, hefði mátt búast við miklum sveiflum á gengi krónu.

Seðlabankinn hefur lítið verið á krónuhlið gjaldeyrismarkaðarins um árabil en hann keypti síðast krónur fyrir 1,8 milljarða í mars sl. og þar áður í nóvember 2014 fyrir um 926 milljónir.

Tengdar fréttir

Seðlabankinn

Vextir lækki í fyrsta lagi um mitt árið

• Mælir gegn frekari stýrivaxtahækkun
• Ásgeir Jónsson: Var ekki að vísa í tveggja manna tal
• Ríkissáttasemjari hringdi ítrekað í seðlabankastjóra
• Umdeilanlegt að höfða mál gegn starfsmönnum

» Fleiri tengdar fréttir