Flugfargjöld til útlanda hækkuðu um 20,3%

Vísitala neysluverðs miðuð við verðlag í júlí 2017 er 442,9 stig og lækkar hún um 0,02% frá fyrri mánuði. Vísitala neysluverðs án húsnæðis er 383,8 stig og lækkar um 0,57% frá júní 2017.

Þetta kemur fram á vef Hagstofu Íslands.

Verð á fötum og skóm lækkar um 11%, kostnaður vegna búsetu í eigin húsnæði (reiknuð húsaleiga) hækkar um 1,7% og flugfargjöld til útlanda hækka um 20,3%.

Síðastliðna tólf mánuði hefur vísitala neysluverðs hækkað um 1,8% en vísitalan án húsnæðis hefur lækkað um 3,1%.

Vísitala neysluverðs samkvæmt útreikningi í júlí 2017, sem er 442,9 stig, gildir til verðtryggingar í september 2017. Vísitala fyrir eldri fjárskuldbindingar, sem breytast eftir lánskjaravísitölu, er 8.745 stig fyrir september 2017.

• Blogga um frétt