Arinbjörn ráðinn framkvæmdastjóri upplýsingatæknisviðs

Arinbjörn Ólafsson.
Arinbjörn Ólafsson. Ljósmynd/Landsbankinn

Arinbjörn Ólafsson hefur verið ráðinn framkvæmdastjóri upplýsingatæknisviðs Landsbankans og tekur þegar til starfa.

Í fréttatilkynningu frá Landsbankanum kemur fram að Arinbjörn hafi lokið M.Sc.-prófi í iðnaðarverkfræði frá Háskóla Íslands árið 2000 og Ph.D-gráðu í sömu grein frá Háskólanum í Wisconsin í Bandaríkjunum árið 2006.

Hann hóf störf á verðbréfasviði Landsbankans árið 2006. Árin 2009-2015 vann hann að fjárhagslegri endurskipulagningu fyrirtækja og stýrði endurútreikningi gengistryggðra lána. Arinbjörn hefur starfað sem forstöðumaður upplýsingatæknideildar hjá Landsbankanum frá árinu 2015.

„Arinbjörn hefur yfirgripsmikla þekkingu á bankarekstri og rekstri tölvu- og upplýsingakerfa og langa reynslu af því að stýra stórum og flóknum verkefnum. Landsbankinn leggur mikla áherslu á stafræna tækni og reynsla Arinbjarnar mun nýtast bankanum einkar vel við frekari framþróun á því sviði,“ er haft eftir Lilju Björk Einarsdóttur, bankastjóra Landsbankans, í tilkynningunni. 

Á upplýsingatæknisviði Landsbankans starfa um 170 manns. Undir sviðið fellur m.a. rekstur, viðhald og þróun á tölvu- og upplýsingakerfum bankans og styður sviðið við framþróun á sviði stafrænnar tækni innan bankans.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK