Sala á léttöli aukist gríðarlega á síðustu árum

„Það hefur verið jöfn og góð aukning. Frá árinu 2013 hefur salan aukist um 60% í lítrum hjá okkur fyrstu sex mánuði áranna,“ segir Andri Þór Guðmundsson, forstjóri Ölgerðarinnar, spurður hvort sala á léttöli hafi aukist á Íslandi.

Andri segir aukninguna í samræmi við aukna bjórsölu enda fleiri neytendur á markaði með vaxandi straumi ferðamanna hingað, að því er fram kemur í Morgunblaðinu í dag.

„Þegar ég fór að skoða hvort þetta væri umfram sölu á bjór þá er þetta ekki neitt svakalega mikið. Við erum með 56% aukningu á sölu bjórs á sama tíma,“ segir Andri. Hann segir að aukin sala á léttöli sé blanda af mörgum þáttum. „Þetta er alls konar sambland. Þetta eru ferðamennirnir, fleiri viðskiptavinir hjá okkur og aukin markaðshlutdeild.“

• Blogga um frétt