Hagnaður N1 á öðrum ársfjórðungi dróst saman um 38% samanborið við annan ársfjórðung á síðasta ári. Hann dróst saman um 271 milljónir króna, eða úr 712 milljónum í 441 milljónir.
Í tilkynningu um uppgjörið segir að óhagstæð þróun á heimsmarkaðsverði með olíu hafi orðið til þess að framlegð af vörusölu hafi minnkað um 8%.
Rekstrarhagnaður fyrir afskriftir nam 768 milljónum króna á öðrum ársfjórðungi 2017 samanborið við 1,104 milljónir króna á sama tímabili í fyrra. Það jafngildir 31% samdrætti.
Selt magn af bensíni og gasolíu jókst um 5,5% á milli ára vegna aukinna umsvifa í hagkerfinu en umferð á þjóðvegum landsins jókst um 11,4% á milli ársfjórðunganna.
Eigið fé var 12,471 milljónir króna og eiginfjárhlutfall 46,4% í lok ársfjórðungsins.