Gunnar Sveinn Magnússon hefur verið ráðinn fjárfestatengill Íslandsbanka. Gunnar hefur starfað undanfarin sex ár hjá Alþjóðagjaldeyrissjóðnum í Washington D.C. við fjárfestatengsl, samskipti og sjóðastýringu.
Þetta kemur fram í tilkynningu frá bankanum.
Þar segir ennfremur, að áður hafi Gunnar starfað hjá Framkvæmdastjórn ESB í Brussel og áður hjá Landsbankanum við fagfjárfestatengsl.
Gunnar er með meistaragráðu frá London School of Economics og hefur lokið námi í verðbréfamiðlun.