Mælaborð ferðaþjónustunnar var formlega kynnt til sögunnar í morgun. Mælaborðið er ný vefsíða þar sem tölulegar upplýsingar um atvinnugreinina eru birtar með myndrænum hætti. Þetta er í fyrsta skipti sem þessar upplýsingar eru aðgengilegar á einum og sama stað. 

Meðal þess sem mælaborðið sýnir er fjöldi ferðamanna, framboð gistirýmis, nýting hótel-herbergja, dreifing, nýting og tekjur Airbnb gistingar, komur og dreifing skemmtiferðaskipa, fjöldi starfsmanna í atvinnugreininni, gjaldeyristekjur og fjöldi bílaleigubíla. Þessar tölur má skoða nánar á vefsíðunni eftir árum, landsvæðum, sveitarfélögum, atvinnugreinum, þjóðernum. 

Í fréttatilkynningu frá Stjórnstöð ferðamála segir að þær upplýsingar sem birtist í mælaborðinu í þessari fyrstu útgáfu séu aðeins hluti þess sem áformað sé að sýna. Gert sé ráð fyrir að allt að 100 upplýsingagrunnar eigi eftir að bætast við. Mælaborðið verði í stöðugri þróun og viðræður standi yfir við fjölmargar stofnanir um birtingu á fleiri gögnum sem varði ferðaþjónustuna og þróun hennar. 

Mælaborðið á netinu: http://stjornstodin.is/maelabord-ferdathjonustunnar

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir

• Blogga um frétt