Birta skilaði allt að 5,9% raunávöxtun

Ljósmynd/Birta.is

Birta lífeyrissjóður birti á vef sínum í dag fyrstu tölur um ávöxtun eigna í séreignarsjóðum. Birta er fjórði stærsti lífeyrissjóður landsins og tók til starfa í desember 2016 eftir sameiningu Sameinaða lífeyrissjóðsins og Stafa lífeyrissjóðs.

Blönduð leið skuldabréfa og hlutabréfa til helminga skilaði 7,4% nafnávöxtun og 5,6% raunávöxtun 2017. Hún höfðar einkum til þeirra sem ávaxta fjármuni til lengri tíma og gera ráð fyrir að ávöxtun geti verið sveiflukennd á sparnaðartímabilinu, að því er kemur fram í frétt á vef Birtu

Skuldabréfaleið skilaði 7,7% nafnávöxtun og 5,9% raunávöxtun 2017. Hún hentar þeim sem vilja forðast ávöxtunarsveiflur og eru komnir á síðari hluta æviskeiðs.

Innlánsleið skilaði 3,8% nafnávöxtun og 2% raunávöxtun 2017. Eignir hennar eru innlán í bönkum og hún höfðar hvað mest til þeirra sem nálgast eftirlaunaaldur eða vilja sem minnstar sveiflur í ávöxtun séreignarsparnaðar síns.

Haft er eftir Ólafi Sigurðssyni framkvæmdastjóra að afkomutölurnar staðfesti að sameining sjóðanna hafi gengið vel og skilað áþreifanlegum árangri. 

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK