Samningi við Hagstofu um launarannsóknir sagt upp

„Við tókum ákvörðun um það í desember síðastliðnum að segja upp þjónustusamningi við Hagstofu Íslands um launarannsóknir. Ástæðan er einfaldlega sú að við teljum ekki hægt að una lengur við þá aðferðafræði sem lögð er til grundvallar við útreikning á núverandi launavísitölu.“

Frétt af mbl.is

Launabreytingar ofmetnar

Þetta segir Gylfi Arnbjörnsson, formaður Alþýðusambands Íslands, í samtali við Morgunblaðið í dag og vísar þar til ákvörðunar kjararannsóknarnefndar sem síðustu áratugi hefur gert þjónustusamning við Hagstofuna um greiningu launaþróunar í landinu. Formlega hvílir sú ábyrgð á nefndinni sjálfri.

Nefndin hefur nú ákveðið að segja upp samningnum en árs uppsagnarfrestur er á honum og tekur uppsögnin því gildi undir lok þessa árs. Ýtarlegri umfjöllun má finna á viðskiptasíðum Morgunblaðsins.