Auglýsa stöðu aðstoðarseðlabankastjóra

Forsætisráðuneytið auglýsir nú eftir aðstoðarseðlabankastjóra til þess að taka við keflinu af Arnóri Sighvatssyni í júlí en samkvæmt lögum um Seðlabankann getur hann ekki sótt aftur um starfið eftir tvær skipanir.

Auglýsingin birtist í Lögbirtingarblaðinu í dag. Þar segir að umsækjendur skuli hafa lokið háskólaprófi í hagfræði eða tengdum greinum, og búa yfir víðtækri reynslu og þekkingu á fjármálastarfsemi og efnahags- og peningamálum. Þá er gerð krafa um stjórnunarhæfileika og hæfni í mannlegum samskiptum.

Umsóknarfrestur er til og með 19. mars 2018 og verður skipað í embættið frá og með 1. júlí 2018. Seinni skipun Más Guðmundssonar sem seðlabankastjóri rennur á næsta ári og verður staða hans þá einnig auglýst.

• 1 blogg um fréttina

Bloggað um fréttina

• Jóhannes Ragnarsson: Þessa daga liggja þeir undir feldi og hugsa, stundum báðir …