Svonefnd stjórnendasvik hafa upp á síðkastið orðið æ algengari. Samtök atvinnulífsins og Samtök fjármálafyrirtækja standa fyrir morgunfundi um forvarnir gegn stjórnendasvindli og tölvuglæpum í dag frá kl 8.30 til 10 í Húsi atvinnulífsins og verður fundinum streymt beint á mbl.is.
Í stjórnendasvikum felst að fjársvikamenn villa á sér heimildir sem stjórnendur fyrirtækja og senda trúverðug fyrirmæli á starfsmenn þeirra um að millifæra fé með hraði.
Á fundinum munu Hákon Åkerlund og Guðmundur Örn Ingvarsson, öryggissérfræðingar Landsbankans, fjalla um einkenni slíkra glæpa og viðbrögð við þeim. Hér að neðan er streymi frá fundinum.