Breska upplýsinganefndin hefur sótt um leitarheimild til þess að leita á skrifstofum ráðgjafarfyrirtækisins Cambridge Analytica í London. 

Þessu er greint frá á fréttavef breska ríkisútvarpsins BBC. 

Fyrirtækið er meðal annars sakað um að hafa nýtt per­sónu­upp­lýs­ing­ar Face­book-not­enda til að reyna að hafa áhrif á forsetakosningarnar í Bandaríkjunum. Per­sónu­upp­lýs­ing­ar um 50 millj­óna manna af Face­book munu hafa verið nýtt­ar, án þeirr­ar vitn­eskju, til að út­búa um­fangs­mik­inn gagna­grunn um banda­ríska kjós­end­ur.

Einnig náðust stjórnendur fyrirtækisins á upptöku þar sem þeir stungu upp á því að nota gildrur og mútuboð til þess að niðurlægja stjórnmálamenn. Í upptöku sem Channel 4 birti í gær má heyra forstjóra Cambridge Analytica, Alexander Nix, segja við blaðamann í dulargervi, að ein leið til þess að niðurlægja stjórnmálamann sé að bjóða honum mútur og taka það upp í leyni. Þá segir hann að hægt sé að senda stúlkur að húsi stjórnmálamanna og bætir við að úkraínskar stúlkur séu tilvaldar til þess. 

Cambridge Analytica hefur neitað sök og telur fréttaflutning afskræma staðreyndir málsins. 

Tengdar fréttir

Facebook og Cambridge Analytica

Facebook lokar á tugþúsundir app forrita

• Nýr „Hvers vegna sé ég þetta?-hnappur“
• Cambridge Analytica flaggað fyrr en talið var
• Haga sér eins og „stafrænir glæpamenn“
• Facebook lögsótt í Washington DC

» Fleiri tengdar fréttir

• Blogga um frétt