Máli Flugvirkjafélags Íslands og SA vegna Air Iceland Connect hefur verið vísað til ríkissáttasemjara.
Þetta kemur fram á vef ríkissáttasemjara. Kjarasamningur aðila hefur verið laus frá 31. ágúst síðastliðinn og verður fundur boðaður í málinu innan tíðar.
Í lok síðasta árs var kjarasamningur Flugvirkjafélags Íslands og Samtaka atvinnulífsins, fyrir hönd Icelandair, samþykktur með afgerandi meirihluta en þrír af hverjum fjórum félagsmönnum greiddu atkvæði með samningnum.