Fundur um rekstrarumhverfið fyrirtækja á Íslandi hefst kl 14.30 í Hörpu og verður sýnt beint frá fundinum á mbl.is. Tilefni fundarins er að nú sé liðið ár frá því að gjaldeyrishöftin voru afnumin að stærstum hluta.
Á fundinum verður rætt hver staða Íslands er í heildarsamhengi hlutanna í heiminum þegar kemur að því að reka fyrirtæki sem starfa á alþjóðamörkuðum.
Meðal annars verður fjallað um fjármögnun nýsköpunarfyrirtækja, ávinning og hindranir erlendrar fjármögnunar, og framtíð gagnaversþjónustu á Íslandi.
Viðskiptaráð Íslands, Samtök atvinnulífsins, Íslandsstofa, SKR lögfræðiþjónusta, Grant Thornton og GAMMA standa að fundinum.
Sjá nánar um dagskrá fundarins á heimasíðu Viðskiptaráðs.