Rukka aukalega fyrir fótarýmið

Icelandair er byrjað að rukka aukalega fyrir sæti við neyðarútganga þar sem fótarýmið er meira en við önnur sæti. 

Þetta kemur fram í frétt Túrista en þar segir að gjaldið nemi á bilinu 2 til 3 þúsund krónur í flugi innan Evrópu en 4.500 til 6.500 krónur í flugi til Norður-Ameríku. Í vetur hóf Icelandair að bjóða upp á nýjan valkost þar sem innritaður farangur var ekki innifalinn en áfram var val um sæti í flugvélinni. 

Í frétt Túrista er verðlagningin borin saman við verðlagningu WOW air. Í Evrópuflugi WOW air kostar 1.999 til 2.999 krónur að sitja í sambærilegum sæti í Evrópufluginu en 3.999 til 5.999 krónur í flugi til Norður-Ameríku. Farþegar þurfa hins vegar einnig að greiða fyrir almenn sæti vilji þeir velja sér stað. 

• 1 blogg um fréttina

Bloggað um fréttina

• Ómar Ragnarsson: Rými og þægindi eru dýrmæt í farartækjum.