Norræni fjárfestingarbankinn Beringer Finance mun sameinast stórum alþjóðlegum fjárfestingarbanka á næstunni, samkvæmt heimildum Morgunblaðsins. Tilkynnt verður formlega um þetta á næstunni en starfsfólki fyrirtækisins mun hafa verið greint frá væntanlegri yfirtöku í gær.
Aðalsteinn Jóhannsson er stjórnarformaður Beringer og stærsti hluthafi bankans og herma heimildir að Aðalsteinn muni taka sæti í framkvæmdastjórn yfirtökubankans og leiða alþjóðlegt samruna- og yfirtökuteymi þess.
Auk Aðalsteins, sem á um 60% hlut í Beringer, eru eigendur bankans hinn norski Erik Must með um 30% hlut auk starfsmanna og annarra minni hluthafa.