Við störf án réttinda

Við eftirlitsheimsókn Vinnueftirlitsins í Góu-Lindu sælgætisgerð ehf. að Garðahrauni í Garðabæ, kom í ljós að aðbúnaður, hollustuhættir og öryggi starfsmanna var ekki í samræmi við lög og reglur. Voru starfsmenn að vinna við réttindaskyldar vinnuvélar án vinnuvélaréttinda.

Var öll vinna bönnuð við réttindaskyldar vinnuvélar nema starfsmenn hefðu til þess gild vinnuvélaréttindi, segir í frétt um málið á vef Vinnueftirlitsins. Er það gert með stoð í heimild í 85. gr. laga nr. 46/1980 um aðbúnað, hollustuhætti og öryggi á vinnustöðum.

Vinnueftirlitið vill vekja athygli á því að atvinnurekendur bera ábyrgð á því að einungis starfsmenn með fullnægjandi þekkingu og réttindi stjórni vinnuvélum.

Ákvörðun Vinnueftirlitsins

• Blogga um frétt