Forstjóraskipti hjá PCC á Bakka

Jökull Gunnarsson hefur verið ráðinn forstjóri kísilmálmverksmiðju PCC á Bakka. Jökull var áður framleiðslustjóri félagsins. Hafsteinn Viktorsson sem lætur nú af störfum sem forstjóri mun sinna verkefnum fyrir félagið, þar á meðal hvað varðar mögulega stækkun verksmiðjunnar.

Í tilkynningu frá PCC BakkiSilicon hf., eiganda verksmiðjunnar, kemur fram að Hafsteinn hafi frá árinu 2016 unnið að byggingu og gangsetningu kísilverksmiðjunnar á Bakka við Húsavík. Er honum þakkað fyrir að hafa gegnt lykilhlutverki í því verkefni.

Jökull Gunnarsson nýr forstjóri kísilmálmverksmiðju PCC á Bakka Ljósmynd/Aðsend

• Blogga um frétt