Gunnar Zoëga, sem hefur verið framkvæmdastjóri Viðskiptaframtíðar Origo hf., hefur beðist lausnar frá störfum að því er fram kemur í fréttatilkynningu frá fyrirtækinu.
Mun hann láta af störfum á næstu vikum, en verður félaginu innan handar næstu mánuði. Málefni sviðsins munu hins vegar tímabundið heyra undir Finn Oddsson, forstjóra félagsins.
Gunnar hefur í gegnum árin sinnt lykilhlutverkum fyrir Origo hf. og fyrirrennara, Nýherja hf. og Skyggni hf. og er haft eftir Finni í fréttatilkynningunni að mikill missir sé að Gunnari. Hann hafi ávallt „náð góðum árangri í þeim verkefnum sem hann hefur tekið sér fyrir hendur og átt stóran þátt í stefnumótun og árangursríkum umbreytingum Origo síðustu ár.“