Yfirvöld í Malasíu hafa höfðað sakamál gegn bandaríska fjármálafyrirtækinu Goldman Sachs og tveimur starfsmönnum þess. Ákæran tengist hneykslismáli í kringum sjóðinn 1MDB en 1MDB var fjárfestinga- og þróunarsjóður í eigu malasíska ríkisins.
Þetta kemur fram í tilkynningu frá ríkissaksóknara Malasíu, Tommy Thomas. Ákæran er á hendur dótturfélögum Goldman Sachs og fyrrverandi starfsmönnum þeirra, Tim Leissner og Ng Chong Hwa.