Michele Roosevelt Edwards, stjórnarformaður US Aerospace Associates, félagsins sem hyggst endurreisa flugfélagið WOW air, hefur til skoðunar að leigja heila hæð undir vænta starfsemi félagsins í Urðarhvarfi 8.
Þetta herma heimildir Morgunblaðsins en húsnæðið er eitt stærsta skrifstofuhúsnæði landsins og telur samtals um 16.000 fermetra.
Almannatengillinn Gunnar Steinn Pálsson, sem starfar með félaginu, vildi ekki tjá sig um áformin er Morgunblaðið hafði samband.