Japanska tískuvöruverslunin Muji í Bandaríkjunum hefur óskað eftir greiðslustöðvun þar í landi. Nær beiðnin einungis yfir verslanir vörumerkisins vestanhafs en ekki í Japan eða annars staðar. Frá þessu greinir Business Insider. 

Vandræði fyrirtækisins hófust í kjölfar heimsfaraldurs kórónuveiru. Eigandi verslunarinnar, Ryohin Keikaku Co, gaf út á í gær að nú tæki við vinna við að að endursemja við lánadrottna. Þá verði óhagkvæmum búðum sömuleiðis lokað, en frá því að faraldurinn hófst hefur Muji þurft að loka öllum 18 útibúum fyrirtækisins í Bandaríkjunum. 

Muji er ekki eina vörumerkið í Bandaríkjunum sem hefur orðið illa fyrir barðinu á kórónuveirunni, en fyrirtæki á borð við J.Crew og Brooks Brothers óskuðu nýverið eftir greiðslustöðvun. Eigandi Muji ítrekaði í tilkynningu vegna lokunarinnar að hún næði einvörðungu til starfseminnar vestanhafs þrátt fyrir dapra afkomu í öðrum ríkjum. 

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt