PAR investment partners, sjóður í eigu PAR capital, sem var stærsti einkafjárfestir í Icelandair fyrir hlutafjárútboðið, mun eftir það eiga 1,91% hlut í flugfélaginu. Þetta kemur fram í tilkynningu til Kauphallarinnar þar sem félagið fór undir bæði 10% og 5% mörk í félaginu.
PAR kom inn í hluthafahóp Icelandair á vormánuðum í fyrra og fór hlutur félagsins hæst upp í 13,7% í flugfélaginu. Þegar seig á ógæfuhliðina vegna Covid-19 fór sjóðurinn að selja hluti og var kominn niður í 10% við hlutafjárútboðið.
Félagið tók ekki þátt í útboði Icelandair og þynnist sem fyrr segir hlutur þess niður í 1,91%.