Kjartan Briem, framkvæmdastjóri tæknisviðs Vodafone, hefur ákveðið að láta af störfum hjá fyrirtækinu frá og með næstu áramótum. Mun hann í kjölfarið hverfa til annarra verkefna. Þetta kemur fram í tilkynningu til Kauphallarinnar. Kjartan situr auk þess í framkvæmdastjórn móðurfélagsins Sýnar.
Kjartan hefur verið framkvæmdastjóri tæknisviðs fyrirtækisins frá árinu 2009. Áður hafði hann starfað sem framkvæmdastjóri hjá Íslandssíma.