Tekjur breska flugfélagsins EasyJet drógust saman um tæplega 90% á fyrsta fjórðungi yfirstandandi rekstrarárs samanborið við sama tímabil ári fyrr.

Stjórnendur flugfélagsins vara við því að vegna stöðunnar verði dregið úr umsvifum félagsins á öðrum ársfjórðungi.

Tekjurnar voru 165 milljónir punda á tímabilinu sem lauk 31. desember sem er 88% samdráttur miðað við rekstrarárið á undan. Einungis var flogið um 18% af flugáætlun tímabilsins vegna Covid-19. 

Á yfirstandandi ársfjórðungi, sem er annar fjórðungur í rekstrarári EasyJet, verður framboðið um 10% minna en á sama tíma í fyrra vegna þeirra ferðatakmarkana sem í gildi eru. 

EasyJet segir að vegna samdráttar sé búið að segja upp 1.400 starfsmönnum. 

Í nóvember birti EasyJet ársuppgjör sitt og var það í fyrsta skipti í 25 ára sögu félagsins sem það var rekið með tapi fyrir skatta. Á þeim tíma var verið að segja upp 4.500 starfsmönnum eða tæplega þriðjungi allra starfsmanna. 

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt