Kaupstaður fasteignasala hefur ráðið Ýlfu Proppé Einarsdóttur sem sérfræðing varðandi lántöku til kaupenda fasteigna. Þetta kemur fram í fréttatilkynningu.
Ýlfa er vottaður fjármálaráðgjafi frá samtökum fjármálafyrirtækja (SSF). Ýlfa starfaði áður hjá Íslandsbanka sem yfirmaður einstaklingssviðs í útibúi bankans á Höfðabakka. Ýlfa starfaði þar áður hjá BYR, þar sem hún var þjónustustjóri og síðar útibússtjóri, og hjá SPRON, þar sem hún var m.a. þjónustustjóri.