Mandí í Kópavog

Sýrlenski veitingastaðurinn Mandí mun á næstu vikum opna nýtt útibú í Kópavogi. Staðurinn verður nánar tiltekið til húsa í Hæðarsmára, en fyrirtækið er nú þegar með þrjá staði í Reykjavík.

Í samtali við ViðskiptaMoggann staðfesta forsvarsmenn Mandí að verið sé að vinna að því að ljúka framkvæmdum í Kópavogi. Gangi allt upp verði staðurinn opnaður innan fárra vikna. Líkt og á öðrum stöðum Mandí verður þar seldur miðausturlenskur matur á borð við shawarma-vefjur, kebab og hummus.