Breyst í dreifingarmiðstöð

Brátt verður hafist handa við byggingu 27 þúsund rúmmetra frystis …
Brátt verður hafist handa við byggingu 27 þúsund rúmmetra frystis á lóðinni. Kristinn Magnússon

Borgarráð samþykkti í síðustu viku drög að samkomulagi vegna uppbyggingar á Korputorgi en Korputorg ehf. hyggst auka byggingarmagn á reitnum um 12.500 fermetra. Þar af munu sjö þúsund fermetrar fara undir gagnaver. Fyrir er á svæðinu stórt vöruhús auk hátæknigagnavers.

Sævar Þór Ólafsson framkvæmdastjóri Korputorgs segir í samtali við ViðskiptaMoggann að félagið vanti meira byggingarmagn bæði til þess að geta sinnt væntum þörfum um frekari stækkun á gagnaverinu og einnig vantar byggingarmagn til framtíðar fyrir sambærilega starfsemi og er á Korputorgi í dag. „Korputorgið er búið að breytast í dreifingarmiðstöð þar sem heildsölur nota húsnæðið undir vöruhús,“ útskýrir Sævar.

Eftir því sem fleiri verslanir hverfa úr húsinu minnkar þörfin á bílastæðum að sögn Sævars, en fyrirtækið hyggst byggja á bílastæðunum, líkt og gert var með gagnaverið.

Lóðin sem Korputorg stendur á er tólf hektarar og því hljóða tillögurnar upp á 0,6% nýtingarhlutfall, sem er hófstillt að mati Sævars. „Nýtingarhlutfallið í dag er rúmlega 0,4% en fer upp í 0,6%.“

Gagnaverið á lóðinni er 1.500 fermetrar og er hugsað sem fyrsti áfanginn af átta.

Margvísleg starfsemi

Í vöruhúsinu er í dag margvísleg starfsemi. Vörulager heildsölunnar ÍSAM er þar til húsa ásamt nær allri starfsemi Myllunnar. Þá eru Húsgagnahöllin og Rúmfatalagerinn bæði með sinn miðlæga lager í húsinu. Enn fremur er umbúðafyrirtækið Samhentir þar með geymslulager fyrir hrávöru. Tvær verslanir er enn að finna í húsnæðinu, húsgagnaverslunina Ilvu og Bónus.

Lestu meira um málið í ViðskiptaMogganum í dag.

Þessi grein birtist
í Morgunblaðinu
Áskrifendur:
Þessi grein birtist
í Morgunblaðinu
Áskrifendur:
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK