Karen Kjartansdóttir til Athygli

Karen Kjartansdóttir.
Karen Kjartansdóttir. Ljósmynd/Aðsend

Ráðgjafarfyrirtækið Athygli hefur ráðið Karen Kjartansdóttur til starfa.

Karen hefur fjölbreytta starfsreynslu úr íslensku atvinnulífi en síðast starfaði hún sem framkvæmdastjóri Samfylkingarinnar þar sem hún hafði verið frá 2018. Þar á undan starfaði hún í fjölbreyttum verkefnum hjá ráðgjafarstofunni Aton auk þess sem hún var samskiptastjóri Samtaka fyrirtækja í sjávarútvegi (SFS) á árunum 2013 til 2017, að því er segir í tilkynningu. 

Karen hefur einnig talsverða reynslu af fjölmiðlastörfum, sem blaðamaður og pistlahöfundur á DV og á Fréttablaðinu og síðar fréttamaður og varafréttastjóri á Stöð 2. Einnig hefur Karen unnið fjölda trúnaðarstarfa fyrir félög í atvinnulífinu, meðal annars að því að efla tengsl milli atvinnulífs og menntastofnana auk þess að halda utan um skipulag á ráðstefnum og málþingum vegna málefna atvinnulífsins. Karen útskrifaðist með MBA-gráðu frá Háskólanum í Reykjavík árið 2016 og er með BA-gráðu í bókmenntafræði frá Háskóla Íslands. Hún hefur þegar hafið störf.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK