Ljúka fyrstu prófun á nýjum leik

Íslenska tölvuleikjafyrirtækið Solid clouds hefur lokið prófun á fyrstu útgáfu af nýjum leik sem fyrirtækið hefur haft í þróun hjá sér. Um er að ræða leikinn Frontiers, en hann hefur verið í þróun síðustu sjö mánuði.

mbl.isÍ tilkynningu frá Solid clouds kemur fram að þessi fyrsta útgáfa hafi verið í prófun hjá um tvö þúsund spilurum í Asíu, en tilgangur þessara prófana var að mæla stöðugleika og frammistöðu netþjóna sem keyra leikinn og til að athuga hversu vel leikurinn keyrir á ýmsum gerðum snjalltækja. Auk þess að meta hversu aðgengilegur og skiljanlegur hann er fyrir nýja spilara.

Kynningarmynd fyrir nýja leikinn Starborne: Frontiers.

Haft er eftir Stefáni Gunnarssyni, forstjóra Solid clouds, að netþjónarnir hafi staðist álagið og vel hafi gengið að spila leikinn í flestum gerðum snjalltækja. Einnig hafi fyrirtækið náð að safna upplýsingum um upplifun spilara af viðmóti og leikkerfi Frontiers sem muni flýta framleiðslu leiksins.

mbl.isNæsti áfangi í þróun leiksins verður á miðju ári þegar prófanir fyrir grunnútgáfu leiksins fara fram. Þá verða helstu leikþættir prófaðir.

• Blogga um frétt