Icelandair hefur komist að samkomulagi við Dubai Aerospace Enterprise (DAE) um langtímaleigu á tveimur nýjum Boeing 737 MAX 8 flugvélum. Gert er ráð fyrir að Boeing afhendi félaginu vélarnar tvær vorið 2022. Með þessari viðbót verður félagið með 14 MAX vélar í rekstri næsta sumar.

Þetta kemur fram í tilkynningu frá Icelandair.

Þar er haft eftir Boga Nils Bogasyni, forstjóra fyrirtækisins:

„Við erum mjög ánægð að tilkynna þessa nýju samninga við DAE, fyrirtæki sem við höfum átt í viðskiptum við um árabil. Við sáum tækifæri og þörf til að bæta við Boeing 737 MAX vélum í flota okkar vegna áframhaldandi uppbyggingar leiðakerfisins og hagfelldra aðstæðna á flugvélamörkuðum. MAX vélarnar hafa reynst okkur afar vel, enn betur en búist var við, bæði hvað varðar drægni og eldsneytisnýtingu. Þær eru af nýrri kynslóð umhverfisvænni flugvéla og því jafnframt mikilvægur þáttur í því að draga úr kolefnislosun í  starfsemi okkar.“

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

• Blogga um frétt