Allt að 30 manns hafa sýnt áhuga á stjórnarsetu í stjórn Festi, að því er heimildir Fréttablaðsins herma. Í blaði dagsins segir að ásóknin sé talin „fyrirboði breytinga“.
Þar kemur fram að Guðjón Reynisson stjórnarformaður vilji gegna stöðu sinni áfram en ekki hefur fengist staðfest hvort allir aðrir stjórnarmenn muni gefa kost á sér.
Málið er sagt viðkvæmt en „fyrirhuguð hallarbylting“ er sögð tengjast markmiði nýrrar stjórnar til að reyna að endurráða Eggert Þór Kristófersson sem forstjóra.
Eins og Morgunblaðið greindi frá fyrr í júní hafði stjórn Festi forgöngu að samtali við Eggert þór um starfslok hans.